الشريمه
نبكي عليك في شان ايش** ويا عزيز يا خاين الغلا..
عبد الكافي
وديما يصير اخلاف** وبكانا علي ماضي غلا..
الشريمه
مرصوده بياس طويل** سهرايت قديمين فاضه..
عبد الكافي
تستاهل بكا ديما **سهرايت غلاكم ياقدم..
الشريمه
عمر اصداف خلو يدين** حدي نقول يانا ع الغلا ..
عبد الكافي
تراكم خلا ليدين** اتضيع يا غلا عارفينها ..
الشريمه
غلاه جا اصداف ايام** بلهون ما عزيز يلومني..
عبد الكافي
غلا عزيز لطه قسم **واللوم حاطه حيله علي ..
الشريمه
ننقان جيرتي للدار** سبايب مرض هي بروحها..
عبد الكافي
خلوها وخلوني** ان بينا مرض هي دارهم ..
الشريمه
نحساب برمتي ع الدار** تبري العقل زاداته مرض..
عبد الكافي
مرض مغير مو قتال **جيي لدار مي هاينه علي ..
الشريمه
ثقيل مقعدي فالدار** العين غير ملزومه ابها..
عبد الكافي
نصيد عافيه فالدار ** ونحوس كي نخطاها شوي ..
الشريمه
امرايفين ع اللوهام ** ونا دخيلتك شيلني الهن ..
عبد الكافي
امرايف نريد اوهام ** وما رجيت نين تقولي ..
الشريمه
بلا رفيق عزمه زين ** يمشي معاي قاجيت هكذي ..
عبد الكافي
حتى والأوهام ظلام ** من والج يجي ما يردني ..