للرد على موضوع طلب غناوى على الجديد والقديم

( كاره انجى للدار **** يخطر اغياب من فيها على )

(منشاب يا عزيز النار *** توميبا وشورى تعزقا )

(طفاى يا عزيز النار*** عابى عليه جا رامى على )

(ضناى وضنا القديم *** لعبو امدام واطيت أنضر )

العقل ما امعاى امعاك .. حتى لومسافه بينا
عديت للااعزاز ابعقل .. رديت فاقده لومينى
العقل عند هاضكول ..خيال فى خلا فايتينى
كمين راى دار العقل..فتوه اتجيب لولاف مالقى
عليك كبد داروناس .. يلى الكبد مايوم درته
انخاف ياعزيز اندير ..عليك كبد تلوى ايدى بها
لاطاتى بى لايام .. مامن شقا جايباتلى
لقسام واخذات عزيز .. الغيرى ونابختى رقد
غلاى طرشقتبا الارض .. مبذور فى قراقيع مانبت
اسماء عزيز توا قلت تجمع افلان وافلان تعرفه
شفق سماء وان غروب .. اسما عزيز ياناطقينه
ودود واده وداد .. اسما عزيز مابينهن ايجى
نقضيه ياعزيز وراك .. عقاب عمر وايش اندير به
عزيز كى جنين الكبد .. عندى غلاه وازياده اشوى
الدار بالبكا رضيت.. طرحيها وفيها وقبلها
ياخذن نهارهن حايسات.. وانجاهن الليل ايذرفن
ان قلت ماهناك اوهام .. اتقول اونهن شيلنى الهن
تبكى العين فالمواهيم .. تو اوقبل ومازلت اخرى
امنين مانشيل انظرى .. نلقى اوهام تستاهل ابكا
فكو ضميدته عالحول .. لقيو الجرح كى يوم ربطته
لواحه على حباس .. العين فى المواهيم حايسه
لنظار ياعزيز عليك .. لوماهن مجاريح مابكن
جازبها قديم اسكتت .. نحسابو الاللعين ميته
عليك دار كنتى دار .. وعليك دار يادار باقيه
ايجن اوقات طيب اوطرح .. وايجن اوقات غاليهن عدو

ثانيا/الشتاوى

انغفى وانحايل عالليل .. ابها بكل مازال طويل
ادموعى عالغالى عنقود.. اشبوب ايتلن فيه ارعود
مرهون ايتبع فى ذانه .. هك اوهك ايلط امعانا
ابعذر انى ماعندى شى .. عليه قدعنى خلو ايدى
نار عزيز ابدور الداير .. جتنى كيف الغزو الغاير
جرح المرهون اللى عاير .. فاهق بيت اخلاله طاير
مسداى اللى بيدى درته .. جاه الياس قطع نايرته
وين نويت انريد انسدى .. جانى ياس خربلى ودى
حس رحيل اولافى حسه .. تربان تكلم فى نصه
نو الياس اداير ليله .. شال احمول غلاى ابسيله
دسايس عقلى مالاحد .. امغير عليش انريد انبد
ايش انديرلهن فى جروح .. عزيز امشفقنى عالروح
مانحساب قديمك خاطر.. نين نظرت ادموعك قاطر
مانحسا ب عزيز ايوانس .. ياخذ عالغير اويستانس
بكرتى بدرى عالوهام .. استعجلتى مازال ظلام
ادموع العين على مطراه .. اشبوب ابروقه فوق وطا
غنى بايعنى بيع اطلوق .. اتقول ايترك فى مسروق
هك اوهك اقسامى لطن .. جن فى دار شقاى اوحطن
ادير اللسنه هك اوهك .. النار انطفوها واتك
ظلمه دج اوغابه دكه .. دار عزيز اغبى مسلكه
يامرهون قطعت الوانه .. نمشو ملتفتين ورانه
انغفى ياالعزيز اتجى .. اتحوسن لنظار على
ياصوب خليل احلمنالك .. يلفى جيل ايخرب جالك
عزيز اوماديرلى شى .. غلاه امداد غلا ولدى

وانتظرو المزيد باذن الله

قال كتربيل الساحل عبدالكافي

*هيهات لو ايجيني صبر * * * * * أنواري سواياك ياعلم

*الليل ناخذا تستيه * * * * * * بعد عزيز ما نوم جايني

* ليام لاطات أمعاي * * * * * ما من شقاء جايباتلي

*** قالت ام كلثوم

* * * كل نار تصبح رمادمهماتأيد الا نار الشوق يوم عن يوم بتزيد


* * * رد كتربيل الساحل وقال

**** تصبــــــــــــح رماد كل النار * * * * الا ما نار الغالي علي

الخاطر وسيع البال .. غير جاورونا وانزلوا

مشكورر وبارك الله فيك على هذا الرد السريع وفعلا انك عاشق للتراث ومشكووور مرة اخرى