شايْلِينّك وانْتي اللِّي شَيّالة الدّنيا قديمة كل يوم بحالة
وانْتي اللي رَفّاعة حْمُولك كْبار نهار كَيل القاعة
تْجِي م الجّريد ايّام نَوّ اقْطاعه يْدَيكْ عكب جَوّابه عَلى الجَّلجالة
وْقاسْيَة وْعَصّاية عَلَي الرَّقَّاعة مَوّالك قديم مْنَسّلات جْماله
وْفي شْهادْتي م الدِّينْ يا باواعة انْ قلّكْ عَطِيب ، وْقلّة الرَّجَّالة
ونصْبر وْباب الصَّبرْ لله طاعة يْخَلَّن الرّاجل دَمعْتَه شَلاّلة
ما من اللِّي هَوَّن الرّاس وْباعَه عَلي سبايْبك قَزَّن صْغار عْياله
يا غزلاني يا حلوة المشروب م الثدياني
لا م البقَر لا فِيهْ جرّة ضاني كَمِّينْ هَودْ يزّاحَم مْعاك غَزاله
متْعاكْسات قَرقازة مْعَ الرّبياني بَدْرِي في شْمُوسْ وْجاد مارس دالَه
يا حَلاّبة دلالكْ مْعَ سِيدك ايّام شبابه
ياخذ مْعاك اللَّيلْ صالب جابه لا مْعاهْ بَرّاده وْلا فنجاله
يطرطش ليا خالط ظهر حلابه عنقود جيل حقانك ورا الزعالة
وهديت اللي كانت بها دعابة تشمس على سيقانها بوالة
يا سَوّاحة انْتِي فَنْطزة كَسْبك ايّام الرّاحة
المَكسُوبْ منْ غَيرك مْغَير شْياخة عَلَيكْ منْ حَكَى ما هن كْذُوبْ عَلاله
ولا عمرها فاقت ببوشراحة حليبك مسوح الكبد مي دفالة
تجي م المناخ اللي صبخ مطراحه حمولك كبار وللجفا حمالة
صعيدي خشومه غر له نفطاحه وتفوح صنقته في الخشم قبل وكاله
مع عسله جاري صفحتك وساخة ثمانين صاع وقفته وحباله
وبحثة كراعك لعبة الدباخة الا م الخطاوي للوطا كيالة
قطايا فريدة عروتك ضباحة عاقبة علي منهل صدر نشاله
يا مرطوزة نيسة الفريق منين درتي حوزة
وانتِي ف ارض حرة بنبتا منسوزة بعود ورقيقة ليقتك بدالة
الصفرا تتم مثيل قشر اللوزة والحمرا مغاثة دم في قيالة
بدري في الثريا وجوزها والجوزة في حجر حرشاها يضيق شماله
منها تروح غاردة محروزة تسايل على ثومة مرادع شاله
وافي القناع اللي ثقيل الروزة طاوي الضمير ومشيته نستاله
وين تنقضه وتنخنخه من كوزه طويل ماح سالفا على الجدالة
على كافة الركاب واخذ كوزه عيونها غدارة فيد سيد سلالة
وانتي معاك بوادي تجيبي حمولك من اوطان بعادي
لا لهدة خشاتك ولا تعضادي ولا دبرة ع الغارب هوت سيالة
بعد جيتك رضتي عفا الجلادي يرد فلتك قبلا يجي ميجاله
اياما علي راي العرب في الوادي يعصد الذيب منصبات حلاله
واليوم فيك ننظر يا الحمرا صادي تقول طرب ذيلك فيد من غزالة
مصروفك يقطع في عروق فوادي قدام تكس يضابح جديد عجاله
يا مشكورة يا باهية ف الشول والمسفورة
ما نك قدا جزار بو ساطوره وما يرقعوك الا بضرب حبالة
لا عند باب قريش قطع البورة م التاج والبها جبتي اولاد هلاله
اجواد غير ما تقري حروف السورة معاك م الهلالية ختوم عدالة
ما من اللي راحوا وراك قبورة ركابة اللي صافي حرير جلاله
حشوك يشيل خشومه وان الغروب مع ظهور نجومه
وين الفحل سن الفروق الشومة وهي رياض فيها ركبن جعلالة
بواكيرطقنها رقت ف الحومة الكورة مع لثنين باستعجالة
تبقي اشواط ع الاربد شديد الزومة تقول صف صفاقة على حجالة
يا خوارة ها الشي لو كارك ولانك كاره
شايلينك بحبال في سيارة يبدل الله ها الحال باحسن حالة
يا حوا مع لمراق لك نصفارة حمرا صفاح يرباد السبيب جلاله
وواجدة مع لجناب لك نبجارة وميلة مع لقدار لك نعدالة
وتميح ع اليمن ولاورا ويساره عقيق شعفتك للحول مي نصالة
ويا نيسة الخالي عفا نواره وسيدك معاك ايام فاضي باله
ولا تبكري لانك اللي غرارة عطانة إلى نص النهار كمالة
بو تسعطاشر عين بو شنوارة منين ما سحب شور الحزام بهاله
ثديانك غلاظ وهش فيد سواره بو رطل ميزانه ضبح دلاله
خشت على خطارها فطارة في رفة اللي واسعات ارجاله
فيهم اللي قرطع وخير دبارة ابليس ابعده والقاسمة تاتاله
وفيهم اللي ما زال في تياره غطس خنيصره ، ريت الصغير هباله
موش جزاها تقطيع روسا وتقطيع روس ضناها
قطاعة خطوط النار وان مساها حيادة اوخال النجع وان وخاله
منين ما لفت فرغ اللي حاذاها نظار الفريق يحقها عنقالة
وصبت اللي صافي حرير رداها تصلها كما صلة جرس ولالة
يا مردوعة يا منسلة م اللي كبار ضلوعه
مسنود غاربه ما تحق فيه قطوعة لا شاب من ضلفة كتب نزالة
ولا حط حباسة على مرقوعة ولا كر من منهل طوال حباله
ولا امراد متنه برم بصروعه ولا جر سكة للوطا هياله
تقول كور ذيله تنظره دلوعة منقار من حجاج تخالطه نعزالة
تقول سطل كافي فوق م القبوعة وخرطوم ينسحب وتصير له نهدالة
وان هاج حمر لاعند الوطاه ببوعه وان عارك يصر وممسكه شنقالة
وان زوم وراها حايشة مدفوعة وهدر يوعي النايمين بطالة
وامه زويليها على المطبوعة وحمرا كما تمرة جراب غزالة
ترطاب الوبر تخشان مي كضوعة اللي وبيرها غفة ولد مرسالة
ان مدت خطاها في هشاش قطوعة خفافا كبار مع رقيق رماله
وتحلف عليها بالعصا مليوعة تنوض بالثقيل لخفها عدالة
وديارها الغوط السمح والمقطوعة لها وطن ما ترضى بوطن بداله
عبسا يجي م العون في هيزوعة جاوي طلق للصالحين رجاله
العيشة بلاك مملحة طبوعة كيف الطعام تخالطه البسالة
واللي ينقتل تديه بالمدفوعة انتي تشجعي ما معاكشي ذلالة
يا جايبة بنت المليح الشوعة عيون من تناخس لا لحظ ختاله
ايام والزمان زمان فيها نوعة وطيتك بعشرة لقط مي من ياله
واليوم يا كحيلة منقلب ميضوعه الشاتين جابنك من الدلالة
والحاج كان راجل كلمته مسموعة هان وين ما دربل وشان خياله
يا عنقادة علي دير بيضا تربته سناده
عليه ظهرك وداد له ودادة خشوش الخريف ومزنته خياله
تكلم رعدها وريحا خمادة عقاب الشهر تقريب راس هلاله
يسوق ف التراب بعيد هو ورشاده منين عقربه صبت على الفتالة
نين البلط زعم هلب معتادة وكبيرة العقاير للعذا تفالة
كنادير نور في الشطيب كداده وحطبه جل لو سبطة ولا بلبالة
وشيحة مع لمراق دار وسادة عليه تنـزلي يبـرد بعد نغسالة
تقاوى جسارك ع الفحل حشادة وين ما خطم تبقي كما اللي خاله
الحيل مجاسيرك يجن هدادة وتحير المشبه دوبها ترعى له
والطرفة تحوحيزك بعد ميلاده علي ولدك تاطي بالسلا زلوالة
نازلة عليه حنانتك فدفادة لا ينكسر لا تصير له نخطالة
وعندك تحوحيزة مع ارتعادة ويديرن زواعب لربعة بسهالة
مع لباك يجغدن تقول ندادة ما تفرزه م اللي فطم بخلاله
لا دلمة لا عرجن عليه قراده ممشوط الوبر ما خاشته نفتالة
وانتي حنون وم العفا منكادة ان جاك من بعيد تفحجي نزالة
وما زال عندي في الكلام شهادة نقولها عليك وكل حد تصفى له
ان طاح السفر ع اللي بعيد بلاده نهارين من ضيم العرا ملالة
تجودي مع طول الطريق جوادة بعقدة اوراك وللكلا نشتالة
كلامي عليك اللي مجرب صاده لا طاقته كذبة ولا اختلالة
يا سماح التوقة بحمولك ونجعك ضايقات خلوقه
كبايا علي التقاز راسم سوقه وما زال حاير مبرم الغزالة
زغرت نظيف الناب تقتي بوقه طراطيش لاقوك الفريق عياله
حتي نجع جيرانك شبع م الذوقة حمولك صعيدي سف م الكيالة
يا حواشة تهويدة القمر قبل الجهيم دهاشة
ووين اولك دوبه مراحك ناشه تديري مراح آخر جديد قباله
وكانها قبال العين لك ندلاشة زنيفك خذا ربو المراغ وشاله
واللون لك داكن في غطا نقراشه يا ام الوبر كيف الحرير امثاله
وفيك من تقنزع للوبر هتراشة يمشي في الشجر وقتا تجي من تاله
واللي معاك سيد نزرته بشواشه ما يرعبك وان الغروب بفاله
عليه طبجية نشو مي خرخاشة وديما عليك الصيد بو سيالة
وان قال يا بعاد الدار للغلاشة نومه يطير ونوم من توعى له
وان جاك غزي من جيهة عدا قشقاشة اسيادك يجوه يطيحوا مزاله
كلامي عليك يصيد عقل الباشا يا جناح من جالي قتل قتاله
يا مندوبة يا مشرفة عن كافة المكسوبة
ما حلى من شربك ولا مشروبة لا قهوة لا شاهي غسل فنجاله
عندك علي لاخ العقيد عتوبة ان كان ها الحاصل ما خرب مواله
كمين زرع صابة ماليات حبوبه عليه وين ما زنح طفح غرباله
ما للحواصل حوشت ملغوبة وما زال برقه كوفا حواله
طيب صباحك وانتي شايله م الني طول جناحك
في برير تمريغك علي قزاحك بلا حزام ما طار الشمال رحاله
طاردة نبات جديد روس صفاحك وبرهن مشى تمليخ ع الشعالة
نصل بالعرق بادي مع تصلاحك وفيه قشر م اللي ف الشتا هزالة
وايش عز منك في سنين افلاحك الا الكبد راها ما لها نختالة
وان كان وجعاتك جربي بلقاحك وان كان كذب عديها علي فسالة
يا ام الحجل تزويق زاد ملاحك سروال ع المرافق هندزه فصاله
علم النار واوهامه يجن مسراحك منين هلك غربيه هبك نزالة
وما نك شوي تتعبي طاراحك جناح ف الدبيب تدوسي قتالة
تجي حايشة سامرة مع سراحك زقة طوير الصبح تاهاياله
خفافك يشيلن في تراب بياحك ليلة نجوم بطلها هذالة
علي عشاه ما ينشد مع نطواحك يطوح مع قرنك النوم لفى له
شوش ذراك في هبكة عباب مراحك مطامير كاف مردمات غلاله
تشوشي معاه وتمسكي مطراحك منين ما هجم ثلبك وجز حباله
من غير ما يغرر في الجهيم الضاحك روسا قسا قول اخ ما تابى له
ما تعقبي فارغ وفاض سماحك م النـزرة اللي تبرك علي الحفالة
ايام البداري من عفا سلاحك وامرار في عقاير فرطهن وكاله
يا محلى كردوسك مع ضحضاحك في خشوش مايو زنة القيالة
عطاش نين متباعد رياق نشاحك عرق كلاك من صردك قطر هذاله
تمدي مع هبة خجوج رياحك مع من رخاك تبجدي شتالة
تردي منهلك وين ما ضبح ضباحك صميت عظم ما نقب الكراع لفى له
علي صح مرباعك دوام نجاحك ما تخنري وان الخريف وخاله
واللي معاك مو مكري مع ديداحك عزيزة عليه ، ومو غشيم مواله
تمجيد ف الفلاه وبالدلي نيناحك ويحاميك لا جنك عدا خيالة
شايلينك بوتاهم وكيف تخطمي نرفع العين وراهم
يا جعد لا ننساك لا ننساهم لجواد م العرب حتى ونا في حالة
نبكي عل حالك وما بكاهم ما يعرفوا برك اللي سوحالة
انتي طرفة وانتي تقطعي كيف الذهب في صرفه
العيشة بلاك اليوم عيشة حرفة كيف الطعام تخالطه البسالة
مسمح وراك السيد سفوة طرفه وانتي شايلة شور الرسيم عدالة
لا في الزناقي عاش طالق عرفه لاصاع لا عمره نفخ بلالة
يا ملفوفة يا منسلة م اللي عراض كتوفه
فوق م المرافق دايرات عطوفة يحدن مع توقة نظاف حجاله
بورقبة بو خرطوم عالي شوفه لوراك عرص جامع غرقوا تاماله
يا واكلة راس البساط دفوفة في برير لامسته مطر سيالة
سبوعين والثالث تجي صيوفة كبر نشاه وطليحة لها وكالة
معاك من يزق بضلعته وكفوفه ما ودعك عداد نص رياله
تردي منهلك ضمة الوطن لكوفه طناش ف الشهر ثاني الصيف هلاله
مرات تنشري ومرة تجي ملفوفة ومرات يلزمك سفسوف دار عزالة
تجيه ضهرة النجمة تديري زوفة تكنـزي زروق الشمس شربك دالة
كسرتي مع خوتك نصيب صفوفة معطان بلغرب ما هو عليك عتالة
جدك خذا يومين ضرب كفوفة والثالث عطي لك م الصديق نزالة
وانْتي اللي رَفّاعة حْمُولك كْبار نهار كَيل القاعة
تْجِي م الجّريد ايّام نَوّ اقْطاعه يْدَيكْ عكب جَوّابه عَلى الجَّلجالة
وْقاسْيَة وْعَصّاية عَلَي الرَّقَّاعة مَوّالك قديم مْنَسّلات جْماله
وْفي شْهادْتي م الدِّينْ يا باواعة انْ قلّكْ عَطِيب ، وْقلّة الرَّجَّالة
ونصْبر وْباب الصَّبرْ لله طاعة يْخَلَّن الرّاجل دَمعْتَه شَلاّلة
ما من اللِّي هَوَّن الرّاس وْباعَه عَلي سبايْبك قَزَّن صْغار عْياله
يا غزلاني يا حلوة المشروب م الثدياني
لا م البقَر لا فِيهْ جرّة ضاني كَمِّينْ هَودْ يزّاحَم مْعاك غَزاله
متْعاكْسات قَرقازة مْعَ الرّبياني بَدْرِي في شْمُوسْ وْجاد مارس دالَه
يا حَلاّبة دلالكْ مْعَ سِيدك ايّام شبابه
ياخذ مْعاك اللَّيلْ صالب جابه لا مْعاهْ بَرّاده وْلا فنجاله
يطرطش ليا خالط ظهر حلابه عنقود جيل حقانك ورا الزعالة
وهديت اللي كانت بها دعابة تشمس على سيقانها بوالة
يا سَوّاحة انْتِي فَنْطزة كَسْبك ايّام الرّاحة
المَكسُوبْ منْ غَيرك مْغَير شْياخة عَلَيكْ منْ حَكَى ما هن كْذُوبْ عَلاله
ولا عمرها فاقت ببوشراحة حليبك مسوح الكبد مي دفالة
تجي م المناخ اللي صبخ مطراحه حمولك كبار وللجفا حمالة
صعيدي خشومه غر له نفطاحه وتفوح صنقته في الخشم قبل وكاله
مع عسله جاري صفحتك وساخة ثمانين صاع وقفته وحباله
وبحثة كراعك لعبة الدباخة الا م الخطاوي للوطا كيالة
قطايا فريدة عروتك ضباحة عاقبة علي منهل صدر نشاله
يا مرطوزة نيسة الفريق منين درتي حوزة
وانتِي ف ارض حرة بنبتا منسوزة بعود ورقيقة ليقتك بدالة
الصفرا تتم مثيل قشر اللوزة والحمرا مغاثة دم في قيالة
بدري في الثريا وجوزها والجوزة في حجر حرشاها يضيق شماله
منها تروح غاردة محروزة تسايل على ثومة مرادع شاله
وافي القناع اللي ثقيل الروزة طاوي الضمير ومشيته نستاله
وين تنقضه وتنخنخه من كوزه طويل ماح سالفا على الجدالة
على كافة الركاب واخذ كوزه عيونها غدارة فيد سيد سلالة
وانتي معاك بوادي تجيبي حمولك من اوطان بعادي
لا لهدة خشاتك ولا تعضادي ولا دبرة ع الغارب هوت سيالة
بعد جيتك رضتي عفا الجلادي يرد فلتك قبلا يجي ميجاله
اياما علي راي العرب في الوادي يعصد الذيب منصبات حلاله
واليوم فيك ننظر يا الحمرا صادي تقول طرب ذيلك فيد من غزالة
مصروفك يقطع في عروق فوادي قدام تكس يضابح جديد عجاله
يا مشكورة يا باهية ف الشول والمسفورة
ما نك قدا جزار بو ساطوره وما يرقعوك الا بضرب حبالة
لا عند باب قريش قطع البورة م التاج والبها جبتي اولاد هلاله
اجواد غير ما تقري حروف السورة معاك م الهلالية ختوم عدالة
ما من اللي راحوا وراك قبورة ركابة اللي صافي حرير جلاله
حشوك يشيل خشومه وان الغروب مع ظهور نجومه
وين الفحل سن الفروق الشومة وهي رياض فيها ركبن جعلالة
بواكيرطقنها رقت ف الحومة الكورة مع لثنين باستعجالة
تبقي اشواط ع الاربد شديد الزومة تقول صف صفاقة على حجالة
يا خوارة ها الشي لو كارك ولانك كاره
شايلينك بحبال في سيارة يبدل الله ها الحال باحسن حالة
يا حوا مع لمراق لك نصفارة حمرا صفاح يرباد السبيب جلاله
وواجدة مع لجناب لك نبجارة وميلة مع لقدار لك نعدالة
وتميح ع اليمن ولاورا ويساره عقيق شعفتك للحول مي نصالة
ويا نيسة الخالي عفا نواره وسيدك معاك ايام فاضي باله
ولا تبكري لانك اللي غرارة عطانة إلى نص النهار كمالة
بو تسعطاشر عين بو شنوارة منين ما سحب شور الحزام بهاله
ثديانك غلاظ وهش فيد سواره بو رطل ميزانه ضبح دلاله
خشت على خطارها فطارة في رفة اللي واسعات ارجاله
فيهم اللي قرطع وخير دبارة ابليس ابعده والقاسمة تاتاله
وفيهم اللي ما زال في تياره غطس خنيصره ، ريت الصغير هباله
موش جزاها تقطيع روسا وتقطيع روس ضناها
قطاعة خطوط النار وان مساها حيادة اوخال النجع وان وخاله
منين ما لفت فرغ اللي حاذاها نظار الفريق يحقها عنقالة
وصبت اللي صافي حرير رداها تصلها كما صلة جرس ولالة
يا مردوعة يا منسلة م اللي كبار ضلوعه
مسنود غاربه ما تحق فيه قطوعة لا شاب من ضلفة كتب نزالة
ولا حط حباسة على مرقوعة ولا كر من منهل طوال حباله
ولا امراد متنه برم بصروعه ولا جر سكة للوطا هياله
تقول كور ذيله تنظره دلوعة منقار من حجاج تخالطه نعزالة
تقول سطل كافي فوق م القبوعة وخرطوم ينسحب وتصير له نهدالة
وان هاج حمر لاعند الوطاه ببوعه وان عارك يصر وممسكه شنقالة
وان زوم وراها حايشة مدفوعة وهدر يوعي النايمين بطالة
وامه زويليها على المطبوعة وحمرا كما تمرة جراب غزالة
ترطاب الوبر تخشان مي كضوعة اللي وبيرها غفة ولد مرسالة
ان مدت خطاها في هشاش قطوعة خفافا كبار مع رقيق رماله
وتحلف عليها بالعصا مليوعة تنوض بالثقيل لخفها عدالة
وديارها الغوط السمح والمقطوعة لها وطن ما ترضى بوطن بداله
عبسا يجي م العون في هيزوعة جاوي طلق للصالحين رجاله
العيشة بلاك مملحة طبوعة كيف الطعام تخالطه البسالة
واللي ينقتل تديه بالمدفوعة انتي تشجعي ما معاكشي ذلالة
يا جايبة بنت المليح الشوعة عيون من تناخس لا لحظ ختاله
ايام والزمان زمان فيها نوعة وطيتك بعشرة لقط مي من ياله
واليوم يا كحيلة منقلب ميضوعه الشاتين جابنك من الدلالة
والحاج كان راجل كلمته مسموعة هان وين ما دربل وشان خياله
يا عنقادة علي دير بيضا تربته سناده
عليه ظهرك وداد له ودادة خشوش الخريف ومزنته خياله
تكلم رعدها وريحا خمادة عقاب الشهر تقريب راس هلاله
يسوق ف التراب بعيد هو ورشاده منين عقربه صبت على الفتالة
نين البلط زعم هلب معتادة وكبيرة العقاير للعذا تفالة
كنادير نور في الشطيب كداده وحطبه جل لو سبطة ولا بلبالة
وشيحة مع لمراق دار وسادة عليه تنـزلي يبـرد بعد نغسالة
تقاوى جسارك ع الفحل حشادة وين ما خطم تبقي كما اللي خاله
الحيل مجاسيرك يجن هدادة وتحير المشبه دوبها ترعى له
والطرفة تحوحيزك بعد ميلاده علي ولدك تاطي بالسلا زلوالة
نازلة عليه حنانتك فدفادة لا ينكسر لا تصير له نخطالة
وعندك تحوحيزة مع ارتعادة ويديرن زواعب لربعة بسهالة
مع لباك يجغدن تقول ندادة ما تفرزه م اللي فطم بخلاله
لا دلمة لا عرجن عليه قراده ممشوط الوبر ما خاشته نفتالة
وانتي حنون وم العفا منكادة ان جاك من بعيد تفحجي نزالة
وما زال عندي في الكلام شهادة نقولها عليك وكل حد تصفى له
ان طاح السفر ع اللي بعيد بلاده نهارين من ضيم العرا ملالة
تجودي مع طول الطريق جوادة بعقدة اوراك وللكلا نشتالة
كلامي عليك اللي مجرب صاده لا طاقته كذبة ولا اختلالة
يا سماح التوقة بحمولك ونجعك ضايقات خلوقه
كبايا علي التقاز راسم سوقه وما زال حاير مبرم الغزالة
زغرت نظيف الناب تقتي بوقه طراطيش لاقوك الفريق عياله
حتي نجع جيرانك شبع م الذوقة حمولك صعيدي سف م الكيالة
يا حواشة تهويدة القمر قبل الجهيم دهاشة
ووين اولك دوبه مراحك ناشه تديري مراح آخر جديد قباله
وكانها قبال العين لك ندلاشة زنيفك خذا ربو المراغ وشاله
واللون لك داكن في غطا نقراشه يا ام الوبر كيف الحرير امثاله
وفيك من تقنزع للوبر هتراشة يمشي في الشجر وقتا تجي من تاله
واللي معاك سيد نزرته بشواشه ما يرعبك وان الغروب بفاله
عليه طبجية نشو مي خرخاشة وديما عليك الصيد بو سيالة
وان قال يا بعاد الدار للغلاشة نومه يطير ونوم من توعى له
وان جاك غزي من جيهة عدا قشقاشة اسيادك يجوه يطيحوا مزاله
كلامي عليك يصيد عقل الباشا يا جناح من جالي قتل قتاله
يا مندوبة يا مشرفة عن كافة المكسوبة
ما حلى من شربك ولا مشروبة لا قهوة لا شاهي غسل فنجاله
عندك علي لاخ العقيد عتوبة ان كان ها الحاصل ما خرب مواله
كمين زرع صابة ماليات حبوبه عليه وين ما زنح طفح غرباله
ما للحواصل حوشت ملغوبة وما زال برقه كوفا حواله
طيب صباحك وانتي شايله م الني طول جناحك
في برير تمريغك علي قزاحك بلا حزام ما طار الشمال رحاله
طاردة نبات جديد روس صفاحك وبرهن مشى تمليخ ع الشعالة
نصل بالعرق بادي مع تصلاحك وفيه قشر م اللي ف الشتا هزالة
وايش عز منك في سنين افلاحك الا الكبد راها ما لها نختالة
وان كان وجعاتك جربي بلقاحك وان كان كذب عديها علي فسالة
يا ام الحجل تزويق زاد ملاحك سروال ع المرافق هندزه فصاله
علم النار واوهامه يجن مسراحك منين هلك غربيه هبك نزالة
وما نك شوي تتعبي طاراحك جناح ف الدبيب تدوسي قتالة
تجي حايشة سامرة مع سراحك زقة طوير الصبح تاهاياله
خفافك يشيلن في تراب بياحك ليلة نجوم بطلها هذالة
علي عشاه ما ينشد مع نطواحك يطوح مع قرنك النوم لفى له
شوش ذراك في هبكة عباب مراحك مطامير كاف مردمات غلاله
تشوشي معاه وتمسكي مطراحك منين ما هجم ثلبك وجز حباله
من غير ما يغرر في الجهيم الضاحك روسا قسا قول اخ ما تابى له
ما تعقبي فارغ وفاض سماحك م النـزرة اللي تبرك علي الحفالة
ايام البداري من عفا سلاحك وامرار في عقاير فرطهن وكاله
يا محلى كردوسك مع ضحضاحك في خشوش مايو زنة القيالة
عطاش نين متباعد رياق نشاحك عرق كلاك من صردك قطر هذاله
تمدي مع هبة خجوج رياحك مع من رخاك تبجدي شتالة
تردي منهلك وين ما ضبح ضباحك صميت عظم ما نقب الكراع لفى له
علي صح مرباعك دوام نجاحك ما تخنري وان الخريف وخاله
واللي معاك مو مكري مع ديداحك عزيزة عليه ، ومو غشيم مواله
تمجيد ف الفلاه وبالدلي نيناحك ويحاميك لا جنك عدا خيالة
شايلينك بوتاهم وكيف تخطمي نرفع العين وراهم
يا جعد لا ننساك لا ننساهم لجواد م العرب حتى ونا في حالة
نبكي عل حالك وما بكاهم ما يعرفوا برك اللي سوحالة
انتي طرفة وانتي تقطعي كيف الذهب في صرفه
العيشة بلاك اليوم عيشة حرفة كيف الطعام تخالطه البسالة
مسمح وراك السيد سفوة طرفه وانتي شايلة شور الرسيم عدالة
لا في الزناقي عاش طالق عرفه لاصاع لا عمره نفخ بلالة
يا ملفوفة يا منسلة م اللي عراض كتوفه
فوق م المرافق دايرات عطوفة يحدن مع توقة نظاف حجاله
بورقبة بو خرطوم عالي شوفه لوراك عرص جامع غرقوا تاماله
يا واكلة راس البساط دفوفة في برير لامسته مطر سيالة
سبوعين والثالث تجي صيوفة كبر نشاه وطليحة لها وكالة
معاك من يزق بضلعته وكفوفه ما ودعك عداد نص رياله
تردي منهلك ضمة الوطن لكوفه طناش ف الشهر ثاني الصيف هلاله
مرات تنشري ومرة تجي ملفوفة ومرات يلزمك سفسوف دار عزالة
تجيه ضهرة النجمة تديري زوفة تكنـزي زروق الشمس شربك دالة
كسرتي مع خوتك نصيب صفوفة معطان بلغرب ما هو عليك عتالة
جدك خذا يومين ضرب كفوفة والثالث عطي لك م الصديق نزالة
