منتديات الاوائل للستلايت


انضم إلى المنتدى ، فالأمر سريع وسهل

منتديات الاوائل للستلايت
منتديات الاوائل للستلايت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الاوائل لاجهزة الاستقبال الفضائي بيع-شراء-استبدال-برمجة-فك تشفير-سوفت وير-صيانة


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

بوجلاوي جينا غلي دار

اذهب الى الأسفل  رسالة [صفحة 1 من اصل 1]

1بوجلاوي جينا غلي دار Empty بوجلاوي جينا غلي دار الجمعة يونيو 18, 2010 8:11 am

كيشمي

كيشمي
المدير العام
المدير العام

جينا على دار عيت معتوق .. بضيقة خلوق .. سال دمع لنظار جر الحلوق



جينا على دارهم بالزوايل .. ودوبني نخايل .. مريض جسم واياس لولاف طايل
حدر دمع لنظار ع الخد سايل .. مغرب يسوق .. قدامه زناكيل رمل العروق



جينا علي دارهم يا مهدي .. وسالن وحدي .. لساني بقيت طالقة في سعدي
بختي اللي دوم قاطع جهدي .. بقي لي خزوق .. يقب الغلا وين دق العروق

جينا علي دار عز الحباب .. لذاذ الوجاب .. اداير شبوب نو لنظار ذاب
لا له رعد يدقل في سحاب .. ولا له بروق .. يضاون ، ولا غيم ظلم يتوق

جينا علي دار فاطمة وعيشة .. وعندي حشيشة .. بقولي علي عين مسبول ريشه
حزام من ارشم ديرها بالنقيشة .. خماس وحموق .. تجز اللبب وين ثاب اللحوق

جينا علي دارهم في الضحاه .. لا وينها وطاة .. حريمة مفيت صرب سدي غذاه
ونايه اللي بارمة من حذاه .. وحيط الوثوق .. علي ارمامهن يوم ريحا صفوق
تهايا منين طلقن في الصلاة .. سمح العلوق .. لا حس لا فال عند الزروق
بلايل وسيعات ربي عطاه .. وخزرة تعوق .. مكوغط ضبح يوم سوق الفروق



جينا علي دارهم في العصير .. غرب البوير .. مني ، وما درت في العين خير
حدر دمع لنظار داير قطير .. وقلبي يفوق .. وانظاري تقول راش فيهن نشوق



جينا علي دارهم والمقات .. وجرة البنات .. عيارها منين ما مشن واردات
ضنك علي ذنب يوم الممات .. وم الركاب فوق .. نصلي ندير قبلتي هي سلوق

نصلي ندير قبلتي ع العجيلي .. وحاير دليلي .. في صاحبي تقول ضايع جميلي
نخمم مع بين روسي وذيلي .. حزام الشلوق .. يريدني مغير شمها نا تذوق

جينا علي داركم يا بنية .. علي بوك جية .. مني ، وجا حيل كيدها عليا
سال دمع لنظار ميحة عشية .. يغرق غروق .. عذاها علي كل علو معزوق
نين جرح لولاف ناوض عليا .. ناره تسوق .. مراره مع زمط ريقي نذوق
ضنك بعد ياس صابغ صبيه .. نزهى نروق .. يقبي لي بحر فيه لبرة تتوق

جينا علي دارهم يا ولد .. بعبرة نهد .. حدر دمع لنظار كاسي الخد
البسط بسط ، والجد جد .. والكذب ما يلوق .. مثيله كما الطل بعد الزروق

جينا علي دارهم عاد حاير .. وما لي دباير .. من قبل ، يا بال جني قهاير
من ياس جا بوق والجرح جاير .. وسوه غموق .. ان هاون نهارين عشرة يتوق

جينا علي دارهم في الربيع .. وبالي وسيع .. حست كيف ما يحوس عيل رضيع

خطر بو شفاه كي تمر القطيع .. وخط فيه زوق .. منيل وشنقال واربع دقوق

جينا علي دار وافي قناعه .. اللي العقل لاعه .. وطالن مع طول ياسه اوجاعه
سال دمعهن بين ساعة وساعة .. وريحة شلوق .. عذاها رقي دار سيسان فوق

جينا علي دار لايع كنيني .. الغالي خطيني .. م الصاحب اللي قبل ديما يجيني

وياسه تقول قاتله الاحسيني .. سمية عتوق .. معايا علي طول عمره يعوق

جينا علي دارهم في السحور .. لا عند الفطور .. وهن يفلتن لنظار في سيل جور

لقيت حتى اللي شاطر يبور .. وروحه يعوق .. خلاته قنازيع هذب الرموق

جينا علي دار سمح للباس .. اللي العقل هاس .. بحرحه وفاجاه ع الحول ياس
وين ما بقي الجوف كسكاس .. من قو العشوق .. ياثم اللي قب خيط العلوق

http:// www.alhendawy.com

الرجوع الى أعلى الصفحة  رسالة [صفحة 1 من اصل 1]

مواضيع مماثلة

-

» بوجلاوي شيالينك

صلاحيات هذا المنتدى:
لاتستطيع الرد على المواضيع في هذا المنتدى